［強調返，我係一個文青］本人會在 迴響粵語文學期刊 寫文。請睇多次第2段。第二，Patreon嘅讀者訂《迴響》會有折。詳情之後講
1. 咪就係《迴響》粵語文學期刊嘅發起人「山城豬伯」。係喎，都係我Patreon讀者。都冇乜秘密，我年紀做得佢老豆咁滯，我網上「寫文」時佢剛出世，唔認老唔得。
2. 但我地全餐飯唔講股票，只講文學。或者我再強調返，我係一個文青。係你地誤解我啫。我屋企文學書係股票書嘅10倍以上。
3. 好簡單，兩樣嘢。第一，本人會在《迴響》粵語文學期刊寫文。請睇多次第2段。第二，Patreon嘅讀者訂《迴響》會有折。FB Page讀者呢？我再研究下，亦問下人地意見。但只係點收錢已經夠煩，所以你都係訂Patreon先啦（https://bityl.co/4Y0h）。
4. 詳情稍後公佈，但我可以唔面紅咁話你知，我就純係支持朋友（唔好話支持後生仔咁老氣橫秋，雖然我真係做得佢老豆）。大佬，又係用返我嘅打邊爐理論，出書呢啲嘢有幾多錢搵，仲要係我可以落袋，心照啦。
5. 當然另一原因，都真係，咳咳，支持粵語文學。我毋需刻意扮本土。事實我睇港產片嘅年代，港女都以唔睇港產片唔聽廣東歌為榮，上乜乜大道乜乜巨聲就唱國語歌英文歌日文歌，約女睇戲就「我冇乜所謂不過我唔睇港產片嘅」。
6. 而在我，最多在網上「寫文」嘅年代，在三屋定星網書版，「天湖舞劍生」大戰「狂秦」嘅年代。我想講，阿叔我廣東話寫文呢，係畀人屌架！
7. 當然時移世易，三十年何東三十年Ricci，而家生態又唔同。但由我第一日在網上寫嘢（講緊係，1997年）開始，都係寫廣東話架啦。你話好難睇，咪撚睇咯。你中文好好？
8. 所以，既然係我Patreon讀者，仲要搞粵語文學，梗係支持啦。「仲要有稿費」。唔多（請再參考我嘅打邊爐理論），但，係一種尊重（＊）。
9. 而除咗buy 粵語文學期刊，我仲Buy發起人一樣嘢，就係佢話當生意咁搞。啱啦！當然未必賺到錢，賺到都未必係大錢。但，都係要當生意咁搞。否則你好多人「追夢」，只係燒錢自high，「咁關我撚事？」。
10. 誠品都蝕足十幾年，而吳清友好Q有錢（80年代10億台幣身家，你自己計），但佢都唔會當慈善，都係一門生意。冇錯係蝕錢嘅生意，但都係生意。冇盈利都至少有收入返嚟。千奇唔好同我講「我地文人唔講呢啲銅臭嘢」—呢啲友就至撚西的。
11. 兩樣嘢。第一，本人會在《迴響》粵語文學期刊寫文。請睇多次第2段。第二，Patreon嘅讀者訂《迴響》會有折。詳情之後講
（＊）順手講埋，唔係話冇稿費就唔尊重。冇稿費嘅專欄我都寫，但睇好多其他因素。你係Economist我貼錢都寫。仲有，搵我嘅係邊個又係因素。咁有時人地另外帶協我其他嘢。亦有啲冇錢，但幫到我出名，又得。之但係，就真係有啲十分濕鳩嘅媒體（我地唔好開名啦），拿，冇稿費都算，預咗，媒體經營艱難。冇稿費又要求多多喎。喂你可唔可以寫返你在01嗰類文？「人地有畀稿費喎」。都仲算。但你老味仲要求其搵件小妹妹轉話同我講嘢，做乜難為人啫，編輯好撚忙？忙過我？更唔好講之前係搵完我冇耐 又cut走我然後再翻兜。Condom都要錢啦，而真係買condom嘅錢都冇畀我喎。又，唔使對號入座，多年前嘅事了，啲當事人應該走晒。即係，我唔會飛機話咩文字有價，但，你免費搵人，就客氣啲好咯。
＝＝＝＝＝＝＝＝＝＝＝＝＝＝
你嘅2020年點？我嘅2020年就幾好。Ivan Patreon，港美市場評點，專題號外，每日一圖，好文推介。每星期6篇，月費100唔使，5個月已1200人訂！（https://bityl.co/4Y0h）。月頭訂至抵，年費仲有85折，仲係睇13個月添。
Search